-
-
Cum'è ogni annu, incù l'amichi, anderemu à participà à una nuvena in San Ghjisè. Si dice ch'ùn hè più cume nanzu. In tantu pudete quantunque tichjà vi di panzerotti ... ancù s'è quelli di mamma eranu più boni. Bona festa a tutti !
5 commentaires -
Vilone é ...... Ornetu
Mi ricordu era zitellu d'un paese cusì bellu
Tra lu mare è la muntagna in sta terra di Tavagna
A sera ghjunt'a la notte s'aprianu tutt'e porte
Chjuchitavan'e canzone in gira quellu fucone
Quandu l'alba si pisava per i chjassi spassighjava
Ascultendu quellu fiume spettinatu per e schiume
E machje di lu circondu era tuttu lu mio mondu
Ogni fiore chì sbucciava cun dulcezza mi parlava
A ghjuventù hè passata ma sta terra m'hè firmata
Fendu solchi in lu mio core suminenduci l'amore
E fiurisce più chè più stu ricordu di ghjuventù.
3 commentaires -